महासंघ म्याग्दी शाखामा केसी निर्वीरोध

नेपाल पत्रकार महासंघ म्याग्दी शाखाको शनिबार बेनीमा सम्पन्न तेस्रो जिल्ला अधिवेशनले म्याग्दी सुरत केसीको अध्यक्षतामा नयाँ कार्यसमिति चयन गरेको छ ।

निर्विरोध रुपमा चयन भएको कार्यसमितिको उपाध्यक्षमा अगन्धर तिवारी, सचिवमा हरिकृष्ण गौतम, कोषाध्यक्षमा ठाकुरप्रसाद आचार्य र सहसचिवमा सन्तोष गौतम रहनुभएको छ । त्यसैगरी अन्य सदस्यहरूमा आकांक्षा रिजाल, गिता मिजार, गोपाल छन्त्याल, प्रमोद शर्मा,अमृत बास्कुने र गोपालप्रसाद रेग्मी चयन हुनुभएको छ भने घनश्याम खड्का, तारानाथ शर्मा, अमर बानिया, प्रकाश पौडेल र राजकुमार थापालाई केन्द्रिय पार्शदमा निर्वाचित हुनुभएको छ । नव निर्वाचित अध्यक्ष केसी गोरखापत्रको म्याग्दी संबाददाता हुनुहुन्छ ।

अधिवेशनपछि मन्तव्य व्यक्त गर्दै नवनिर्वाचित अध्यक्ष सुरज केसीले जिल्लामा न्युनतम पारिश्रमीक ऐन कार्यान्वयन, महासंघको संस्थागत विकास, भवन निर्माण र पत्रकारहरुको क्षमत्ता बिकासका लागि योजनावद्ध रुपमा काम गर्ने प्रतिवद्धता जनाउनुभयो । यसैगरी कार्यसमितिलाई शुभकामना दिँदै केन्दिय प्रतिनिधि बिष्णु छिमेकी, निर्वाचन मण्डलका अध्यक्ष ठहरबहादुर भण्डारी र पर्ुव अध्यक्ष घनश्याम खड्रकाले जिल्लामा शुसासन कायम राख्नका लागि जनतालाई सुसूचित गर्दै समग्र बिकासमा पत्रकारीता क्षेत्रबाट रचनात्मक सहयोग आवश्यक रहेको बताउनु भयोको थियो ।

त्यसेगरी अधिवेशनको उदघाटनमा थप गरिएको समयसिमा भित्रै शान्ति र संबिधान जारी गर्न तथा देशमा सुशासन कायम राख्न पत्रकारीता क्षेत्रबाट रचनात्मक सहयोग आवश्यक रहेको बेनीमा आयोजित कार्यक्रमका बक्ताहरुले बताउनुभएको छ ।

नेपाल पत्रकार महासंघ म्याग्दी शाखाको तेस्रो जिल्ला अधिवेशनको उद्घाटन सत्रमा बोल्ने वक्ताहरुले देशको विशम परिस्थितीलाई मध्यनजर गर्दै सञ्चार जगत सचेत र सजग बनेर जनमुखी पारदर्शी तथा सभ्य समाज निर्माणका लागि रचनात्मक कार्य हुनुपर्ने बताउनुभएको हो ।

कार्यक्रममा प्रमुख जिल्ला अधिकारी रामबहादुर कुरुम्वाङ, नेपाल पत्रकार महासंघका केन्द्रिय प्रतिनिधी बिष्णु छिमेकी, एकिकृत नेकपा माओवादीका जिल्ला सचिवालय सदस्य रेशम जुक्जाली -सुबिन), नेकपा एमालेका जिल्ला अध्यक्ष हरिकृष्ण श्रेष्ठ, राष्ट्रिय जनमोर्चाका जगलाल हर्मेल, नेकपा एकिकृतका शिवकुमार श्रेष्ठ, राप्रपाका बिरबहादुर थापा, नागरीक समाजका र्सर्ुदशनकुमार श्रेष्ठ, क्रान्तिकारी पत्रकार संघका जिल्ला अध्यक्ष ठाकुरप्रसाद आचार्य, प्रेस युनियनका जिल्ला अध्यक्ष अगन्धर तिवारी, प्रेस चौतारीका अमृत बास्कुने र क्रियाशिल महिला पत्रकार समूहकी रेखाकौशल रेग्मीले मन्तव्य व्यक्त गर्नुभएको थियो ।

निर्वतमान शाखा अध्यक्ष घनश्याम खड्काको सभापतित्व र सचिव तारानाथ शर्माको सञ्चालन मा सम्पन्न कार्यक्रममा सुरत केसीले स्वागत गर्नुभएको थियो ।

आमा समूहको सक्रियतामा मदिरा वन्द

म्याग्दीको ज्यामरुककोट गाविस वडा नम्वर २ गौश्वारा स्थित गणेश आमा समूहमा आवद्ध महिलाहरुको सक्रियतामा गाउँमा मदिरा वन्द गर्ने अभियान संचालन गरीएको छ ।

गाउँमा रक्सी पिएर होहल्ला गर्नुका साथै कुटपिट र चोरीका घटनाहरु वढ्न थालेपछि आमा समूहले कर्डाईका साथ मदिरा नियन्त्रण अभियान संचालन गरेको स्थानीयबासी किसान रिजालले जानकारी दिनुभएको छ ।

रिजालले दिएको जानकारी अनुसार आमा समूहले गाउँमा मदिरा आयात गर्ने छिमेकी गाविसमा समेत पत्राचार गरेर गौश्वारालाई मदिरा निषेधित गाउँ वनाउन लागिएकोले मदिरा नपठाउन अनुरोध समेत गरेको छ ।

गणेश आमा समूह गौश्वाराकी अध्यक्ष विमला खड्काको नेतृत्वमा गाउँमा घरेलु मदिरा उत्पादन गर्न पर्ूण्ारुपमा रोक लगाइएको छ भने वाहिरवाट ल्याउन र प्रयोग गर्न समेत प्रतिवन्ध लगाईएको छ ।

रिजालका अनुसार गाउँमा मदिरा वन्द गराउने क्रममा केही उश्रृङ्खल व्यक्तिहरुले महिलाहरुलाई मदिरा वन्द नगराउन धम्कीसमेत दिएका छन् ।

आमा समूहको सक्रियतामा गौश्वारामा विभिन्न सामाजिक तथा रचनात्मक कामहरु समेत भएका स्थानीय वासिन्दाहरुले वताएका छन् ।

म्याग्दी माघ २० गते ।

खुकुरी प्रहारबाट एकै परिवारका चारजना घाइते

म्याग्दीको सिंगा गाविस वडा नंवर- ९ डाँडाखेतमा बुधबार राती एक व्यक्तिले खुकरी प्रहार गरि एकै परिवारका चारजनालाई घाइते बनाएका छन् ।
घाइते हुनेहरूमा डाँडाखेतका ३६ वषिर्य देबेन्द्र मल्ल, श्रीमती ३३ वषिर्या लालकुमारी मल्ल, ६० वषिर्या आमा मनकुमारी मल्ल र ५५ वषिर्या कान्छी आमा धनकुमारी मल्ल रहेका छन् ।
आफ्नै छिमेकी अन्दाजी ३६ वषिर्य गोरे खत्रीले बुधबार राती करिव साढे ८ बजे सुतिरहेको अवस्थामा एक्कासी घरभित्र पसि सुतिरहेका देबेन्द्र मल्लमाथी अन्दाधुन्द खुकुरी प्रहार गर्दा उनको टाउको र हातमा गम्भिर चोट लागेको र उनलाई बचाउन खोज्दा आमा, श्रीमती तथा कान्छीआमालाई पनि खुकुरी प्रहार गरि घाइते बनाएको मल्लका भाई एकेन्द्र मल्लले बताउनु भयको छ ।
हरेक समय संगै रहने आफ्नै साथीबाट एक्कासी खुकुरी प्रहार भएपछि सिङ्गाबासीहरू त्रसित भएका छन् । खत्री र मल्ल दुबैजना गाउँमा सधै सहकार्य गर्दैआएका र अहिलेसम्म कुनै रिसाइवी नभएको पनि मल्लका भाई एकेन्द्रले जानकारी दिनुभयो ।
मल्ललाई मार्ने नियतकै कारण खुकुरी प्रहार भयको हुनुसक्ने अनुमान परिवारले गरेको छ । यद्यपी उनिहरूको व्यक्तिगत दुस्मनी थियो या थिएन भन्नेबारेमा आँफुहरू अहिलेसम्म अन्यौलमा नै रहेको मल्लकी घाइते आमा मनकुमारीले बताउनु भयो ।
घाइतेहरूलाई सिङ्गा तातोपानिमा रहेको प्रहरी चौकी र जिल्ला प्रहरी कार्यालय म्याग्दीबाट गएको प्रहरी टोलीका साथै नेपाल रेडक्रस सोसाइटी म्याग्दीको सहयोगमा जिल्ला अस्पतालमा ल्याई उपचार भइरहेको छ । प्रहरीका अनुसार घटनापछि गोरे खत्री फरार छन् । घाइते मध्ये धन बहादुर मल्लको अबस्था गम्भिर रहेकाले थप उपचारका लागि पोखरा रीफर गरीयको जिल्ला अस्पताल म्याग्दीले जनायको छ ।
घटनाका बारेमा थप अनुसन्धान र फरार रहेका खत्रीको खोजीका लागि स्थानीयबासीको सहयोगमा प्रहरी परिचालन गरिएको प्रहरी नायव उपरिक्षक नवराज भट्टले बताउनु भयको छ ।
बिहिबार मात्रै बैदेशिक रोजगारका लागि साउदी अरव जाने तयारी गरिरहेका गोरे खत्रीले आफ्नै छिमेकीमाथी एक्कासी खुकुरी प्रहार गर्नु निकै रहस्यमय रहेको स्थानीयबासीहरूले बताएका छन् ।

सुरज केसी/हरीकृष्ण गौतम/अगन्धर तिवारी                             म्याग्दी माघ १९ गते ।