देशमा शान्ति स्थापना पछि पहाडी जिल्ला म्याग्दीमा निर्माण भएका कच्ची सडकले र्सवसाधारणलाई सुविधा संगै समस्यामा पनि पार्न थालेको ग्रामिणबासी बताउँछन् । मानवबस्ती जोखिममा पर्ने गरि सडक निर्माण गर्दा भोग्नुपरेको समस्या बारे अर्थुङ्गे बाँसबोटकी गुमा केसी भन्नुहुन्छ हिउद भरी त गाडी चडीयो बषर्ा लागे पछि धरै पहीरोले लैजान्छ की भन्ने दर छ । अर्थुङ्गेको बाँसबोट पुलाचौरको अबेचौर र पुरुण्डी हुँदै पुलाचौर जोड्ने सडक गत वर्षनिर्माण भएको थियो ।
सडक निर्माण गर्दा त्यसले वातावरणमा पार्ने प्रभाव बारे अध्ययन नगरीनु बिकासले बिनासको रुप लिनुको कारण बनेको हो । गाउँकै बिच र तलमाथि पार्ने गरी सडक निर्माण भएका छन् । ग्रामिण सडकमा नाली निर्माण र वरपर वृक्षारोपण गर्ने कामले पनि प्राथमिकता पाएको छैन् । सडक निर्माणपछि स्तरवृद्धी, मर्मत गर्ने तथा ढल र पहिरो नियन्त्रण गर्नतर्फकसैले ध्यान दिएका छैनन् । खेत बारी मासेर सडक निर्माण गरि आगनमै गाडी गुड्दा खुसीयाली मनाउने स्थानीयबासी सडक भत्कीएर पहिरो आउन थालेपछि चिन्तित बनेका हुन् । पुलाचौर अवेचौरकी भगवती पौडेल सडक निर्माणका क्रममा उपभोक्ता समितिले जनाएको प्रतिबद्धता कार्यान्वयन हुन नसकेको गुनासो गर्नुहुन्छ ।
अर्थुङ्गे बाँसबोटकी गोमा केसी र पुलाचौर अवेचौरकी भगवती पौडेल सडककै कारण समस्यामा पर्नेहरूको प्रतिनिधिपात्र मात्र हुन् । म्याग्दीमा यस्ता उदाहरणीय आवाजहरु धेरै छन् ।
ग्रामिण क्षेत्रमा डोजरको प्रयोग गरि सडक निर्माण गर्ने क्रम बढेको छ । सडक विकासका लागि आवश्यक पनि छ । गाविस र जिविसबाट बिनियोजन हुने बजेटको अधिकांश हिस्सा सडकमै लगानी हुने गरेको पाईएको छ । कतिपय ठाउँका बासिन्दाले ऋण खोजेरै भएपनि सडक निर्माण गरेका छन् । सडक निर्माण गर्दा त्यसले पार्ने प्रभाव, फाईदा र बेफाईदाका बारेमा सोच्न नपाउनुको प्रमुख कारण आर्थिक अभाव भएको बाँसबोट पुलाचौर मोटरबाटो निर्माण समितिका कोषाध्यक्ष टिकाराम परियारले बताउनुभयो ।
भिरालो भौगोलिक अवस्थिती, भिर पहरा लगायतका कारणले सडक निर्माण गर्न बढी लगानी हुने गरेको छ । प्राकृतीक विपत्तिका डरले विकासमा पछि परेर बस्नु भन्दा पनि सडक निर्माण समिति, सम्बन्धि निकाय र स्थानीयबासीले सडक निर्माण गर्नुअगावै सम्भावीत प्रकोपबाट बच्न सकिने उपाए अपनाउनु उपयुक्त देखिन्छ । यसबाट सडकका लागि भएको लगानीको सदुपयोग हुनुका साथै स्थानीयबासी पनि ढुक्क हुन सक्थे ।
प्रकास पौडेल म्याग्दी भदौ १३ गते ।
No comments:
Post a Comment